Majburiy ijro byurosining Urganch shahar bo‘limi ish yurituvida Toshkent tumanlararo iqtisodiy sudining ijro varaqasiga asosan qarzdor “Xorazm Temir Yol Qurilish” UK dan undiruvchi “Bektemir Metall Konstruksiyalari” MChJ QK foydasiga 187.363.893 so‘mlik qarzdorlik undirish to‘g‘risidagi ijro hujjatlari mavjud bo‘lgan.Mazkur ijro hujjati bo‘lim ish yurituviga kelib tushgandan so‘ng, davlat ijrochisi tomonidan belgilangan tartibda “ijro ishi yuritishni qo‘zg‘atish to‘g‘risida”gi qaror qabul qilinib, qaror nusxasi taraflarga yuborilgan va ularning huquq va majburiyatlari tushuntirilgan.
Olib borilgan ijro harakatlari natijasida, qarzdordan ijro varaqalarda ko‘rsatilgan 187.363.893 so‘m qarzdorlik summasi to‘liq undirilib, tadbirkorlik sub’ektlari foydasiga yo‘naltirilishi ta’minlandi.