Ancha vaqtdan beri davom etib kelayotgan mojaro - avtomobillarning orqa yon oynalariga parda o‘rnatish ma’muriy huquqbuzarlikmi yoki yo‘qmi, degan savolga Oliy sud uzil-kesil nuqta qo‘ydi: qonunbuzarlik emas!Oliy Masjlis Qonunchilik palatasi deputati Rasul Kusherboyevga ko‘ra, mazkur ma’lumotni bir nechta manbalar tasdiqlagan.
Ma’lumki, shu paytgacha mashinaning orqa yon oynalariga parda o‘rnatish Ma’muriy Javobgarlik to‘g‘risidagi Kodeksning 126-moddasida ko‘rsatilgan ma’muriy huquqbuzarlik deb hicoblanib, haydovchilar bazaviy hisoblash miqdorining yigirma besh baravari miqdorida jarimaga tortilib kelinayotgan edi (agar shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, jarima bazaviy hisoblash miqdorining 40 barobar miqdorida belgilangan). Sud, chamasi, mashina orqa yon oylariga parda o‘rnatish «haydovchining tevarak-atrofni ko‘rishni cheklaydigan qo‘shimcha narsalar» toifasiga kirmaydi deb topgan.
Yaqin vaqtlar ichida Oliy sudning bu bo‘yicha rasmiy xabar berishi kutilmoqda.