“Zamin”ni Telegramʻda oʻqing! Join!
Zamin.uz
, 24 2020, 10:32
ЎЗO‘Z

Uchtepa tumanidagi uchta mahalla aholisi Toshkent viloyati tarkibiga o‘tishga qarshi

06 avg, 23:00 1 091 Jamiyat
“Zamin”ni Telegramʻda oʻqing!
Uchtepa tumanidagi uchta mahalla aholisi Toshkent viloyati tarkibiga o‘tishga qarshi Foto: Telegram
Toshkentning Uchtepa tumanidagi «Ko‘ksaroy», «O‘rikzor» va «Zarafshon» mahallalari aholisi 6 avgust kuni o‘z mahallalarining Toshkent viloyati Zangiota tumani hududiga o‘tkazilishiga qarshi noroziligini bildirish uchun mahalla qo‘mitasi binosiga to‘plandi. Bu haqda «O‘rikzor» mahallasi raisi Hasan Qalandarov va bir qancha fuqarolar «Gazeta.uz»ga ma’lum qilgan.

2020 yil 5 avgust kuni O‘zbekiston Prezidenti Shavkat Mirziyoyev Toshkent shahri va Toshkent viloyatining o‘zaro chegaradosh bo‘lgan tumanlari hududlarini o‘zgartirish bo‘yicha tayyorlangan loyihalar taqdimoti bilan tanishdi. Unda taklif qilinishicha, poytaxtdan Toshkent viloyatiga 1010 gektar, viloyatdan poytaxtga 10 196 gektar yer maydoni o‘tkazilishi rejalashtirilmoqda.

Shu bilan birga, Toshkent shahrida Yangi hayot tumani tashkil etilib, unga Sergeli tumanidan 1752 gektar, Bektemirdan 267 gektar, Zangiotadan qariyb 328, Quyi Chirchiqdan salkam 129, Yangiyo‘ldan 263, O‘rta Chirchiqdan 1346 gektar ajratiladi va Yangi hayot tumanining hududi jami 4085 gektarga teng bo‘lishi ma’lum bo‘ldi.

Xaritada uchta mahalla — «Ko‘ksaroy», «O‘rikzor» va «Zarafshon» ajratilgan. Bular Toshkent viloyatining Zangiota tumaniga o‘tkazilishi rejalashtirilayotgan Toshkentning Uchtepa tumanidagi uchta mahalla.

Foto: «O‘zbekiston 24» telekanali

Foto: Google Maps
Ushbu mahallalardan birida yashovchi hamda ismi sir bo‘lib qolishni istagan fuqaro mazkur uchta mahalla avval bitta «O‘rikzor» mahallasi tarkibida bo‘lganini ta’kidladi. Uning so‘zlariga ko‘ra, tumanning bu qismini Toshkent viloyatiga o‘tkazish bir qator sabablarga ko‘ra noqulayliklarni keltirib chiqaradi.

«Zangiota tumaniga o‘tkazilganidan keyin «O‘rikzor» tuman markazidan uzoqda bo‘lib qoladi. Agarda gaz, elektr, suv bilan muammolar bo‘lsa, muammolarni hal etish uchun Zangiotaga borishimizga to‘g‘ri keladi. Uchtepa tumanida biz 1-sonli Respublika klinik shifoxonasiga (Jukovskiy) yoki 16-shahar shifoxonasiga (RSHTYOIM) murojaat qilamiz, yangi tumanga o‘tgandan keyin esa Zangiotaga borishimiz kerak bo‘ladi», — degan suhbatdosh.

U yangi tumanga o‘tish propiska, kadastr hujjatlari, avtomobil hujjatlari va raqamlarini almashtirishga to‘g‘ri kelishini, bu esa qo‘shimcha xarajatlarga olib kelishini aytib o‘tgan.
Boshqa bir fuqaro «O‘rikzor» mahalla qo‘mitasiga uchta mahalladan 100 nafardan ortiq kishi kelganini ma’lum qildi. «O‘zbekiston 24» telekanalida Toshkent va Toshkent viloyati chegaralari o‘zgarishi to‘g‘risidagi lavha e’lon qilinganidan so‘ng Telegram’da maxsus guruh ochildi.

Uchtepa tumani hokimi Farhod Abdullayev aholi bilan uchrashuvda.
Foto: Telegram

«O‘rikzor» mahallasi raisi Hasan Qalandarov «Gazeta.uz» bilan suhbatda aholi bilan uchrashuvga tumanning to‘rtta sektor rahbarlari, jumladan, hokim Farhod Abdullayev yetib kelganini aytdi. Uning so‘zlariga ko‘ra, hokim chegaralarni o‘zgartirish to‘g‘risidagi taklif hozirda loyiha hisoblanishini ma’lum qilib, ushbu masalani Toshkent hokimi Jahongir Ortiqxo‘jayev bilan muhokama qilishga va’da berdi.

Ijtimoiy tarmoqlarda tarqalgan videoyozuvda Farhod Abdullayev masalani yechishga va’da berib, odamlarga uylariga qaytish, chunki aholining to‘planishi karantin qoidalarini buzishini hamda turli kasalliklarga chalinish xavfini vujudga keltirishini ta’kidlaydi.

Uchtepa tumani hokimligi matbuot xizmati hozircha bu borada ma’lumotga ega emasligini ma’lum qilgan.

Mamlakat rahbariyati nomiga maktub
Uchta mahalla aholisi Prezident, bosh vazir, qurilish vaziri, parlament palatalari rahbarlari, poytaxt va tuman hokimlari nomiga jamoaviy murojaat (petitsiya) yo‘lladi. Maktubda nima uchun bunday qarorlar ushbu hududlarda istiqomat qiluvchi aholi fikrini inobatga olmagan holda qabul qilinishi so‘ralgan.

Ta’kidlanishicha, «O‘rikzor» mahallasi Toshkent viloyati bilan tabiiy chegaraga ega, ya’ni sharqiy va janubiy tomondan mos ravishda Qoraqamish va Bo‘zsuv kanallari bilan o‘rab olingan. «O‘rikzor» mahallasi Toshkent viloyati tarkibiga kiritiladigan bo‘lsa, mahalla aholisi o‘z viloyati yoki tumani ichida harakatlanishi uchun shaharga chiqishga majbur bo‘ladi.

Aholi, shuningdek, qaysi xorijiy tajriba asosida shahar chegarasining belgilanishi halqa yo‘lining joylashuvidan kelib chiqib amalga oshirilishi haqidagi savolni o‘rtaga tashladi.

Foto: Telegram
Qayd etilishicha, «O‘rikzor» mahallasi O‘zbekiston mustaqillikka erishgan davrdan beri Toshkent shahri hududi tarkibida bo‘lib kelgan. Bu yerga aholi ko‘chib kelishi, uy-joy yoki tadbirkorlik faoliyati uchun ob’ekt xarid qilishida, hududning Toshkent shahri tarkibida ekanligi asosiy faktorlardan biri bo‘lgan. Mahallaning Toshkent viloyati tarkibiga o‘tkazilishi, iste’molchi, ya’ni uy-joy yoki ob’ekt xarid qilgan fuqarolarning haq-huquqi buzilishiga sabab bo‘ladi.

Foto: Telegram

Foto: Telegram
«Muhtaram Shavkat Miromonovich, «O‘rikzor» mahallasi aholisi Siz tomoningizdan so‘nggi yillarda olib borilayotgan siyosatni va ulkan islohotlarni qo‘llab-quvvatlab kelishini, xalq manfaatlari yo‘lida jon kuydirib olib borayotgan mehnatingizni yuqori baholashini ma’lum qiladi hamda O‘zbekistonning rivojlanishi yo‘lida o‘zining barcha kuch va salohiyatini safarbar qilayotganini ishonch bilan ta’kidlaydi. Shu bilan birga, ayrim mutasaddi rahbarlarning mantiqsiz, hech kimning fikrini inobatga olmasdan o‘zboshimchalik bilan ishlab chiqayotgan takliflarini mamlakatimiz ravnaqi yo‘liga to‘siq va to‘g‘onoq bo‘layotganini ham qayd etib o‘tish lozim», — deyiladi murojaatda.

Petitsiyada aholi Prezidentdan ushbu masalani adolat bilan ko‘rib chiqish, mahalla hududida istiqomat qiluvchi aholining fikrini inobatga olgan holda «O‘rikzor» mahallasi Toshkent shahri tarkibida qolishi bo‘yicha qaror qabul qilishini so‘ragan.



 Добавление комментария


Кликните на изображение чтобы обновить код, если он неразборчив

Mavzuga oid yangiliklar
  • Sergeli hududida tashkil qilinayotgan poytaxtning Yangi hayot tumani tarkibiga qaysi mahallalar kirishi ma’lum qilindi 23 iyun, 09:00
  • Toshkent shahridagi “qizil” toifaga kiritilgan mahallalar (tumanlar bo‘yicha) ro‘yxati 17 iyun, 22:08
  • Toshkent viloyatining Zangiota tumani va Toshkent shahrining Sergeli tumani chegaralari o‘zgartiriladi 28 avg, 13:37
  • Senat Zangiota va Sergeli tumani chegaralarini o‘zgartirish to‘g‘risida qaror qabul qildi 03 мая, 19:27
  • Toshkent shahri kengayadi: Zangiotaning bir qismi poytaxt tarkibiga o‘tkaziladi 16 apr, 18:41
  • Otchopar-2 mahallasi yirik biznes markazga aylanmoqda, hudud aholisi koʻchiriladi 12 fev, 10:00
  • So'nggi yangiliklar
  • Bo‘stonliqda kanalga tushib ketgan Matiz olib chiqildi. Haydovchi mashinadan tushib qolgan 24 sen, 08:50 200
  • Xorijdan qaytib kelgan rossiyaliklar majburiy izolyatsiyada bo‘lishi joriy etilmoqda 24 sen, 08:18 218
  • Sanjar Valiyev: iqlim o‘zgarishi 30 yil ichida jahon iqtisodiyotiga 8 trln dollarga tushadi 24 sen, 07:37 188
  • Putin Rossiyaning koronavirusga qarshi ikkinchi vaksinasi tez orada ro‘yxatdan o‘tkazilishini ma’lum qildi 24 sen, 07:00 228
  • "Paxtakor" kichik "missiya"ni bajardi. Eronning "Shahr Xodro" klubi taslim etildi 24 sen, 00:59 738
  • Kasal bo‘lmaslik uchun amal qilish tavsiya qilinadigan 13 maslahat 24 sen, 00:10 626
  • «Al-Hilol» musobaqadan chetlatildi. «Paxtakor» va Aziz G‘aniyev jamoasi pley-offga yo‘l oldi 23 sen, 23:52 814
  • Elektoromobillar ommalashmayotganiga sabab bo‘layotgan omillar sanab o‘tildi 23 sen, 23:45 566
  • Pirlo Ronaldu yordamidan foydalanmasligini e’lon qildi 23 sen, 22:50 928
  • Saudiya Arabistoni oktabrdan umra safariga ruxsat berdi 23 sen, 22:25 399
  • Senat raisi: «Qonunlarimizda korrupsiogen holatlar mavjud» 23 sen, 21:48 380
  • Hamyonbop Xiaomi Mi 10T flagmani 30 sentabr kuni taqdim etiladi 23 sen, 21:28 352
  • Bo‘limlar