“Ufa” klubida to‘p surayotgan hamyurtimiz Oston O‘runov tez orada Moskvaning “Spartak” klubi bilan shartnoma imzolaydi."Chempionat" nashri tarqatgan xabarga ko‘ra, klublar deyarli kelishuvga erishib bo‘lgan. Hozirda moskvaliklar o‘zbekistonlik futbolchi bilan shaxsiy shartnoma borasida muzokaralar o‘tkazmoqda.
Aytish kerakki, 19 yoshli O‘runovning ayni damdagi transferi 900 ming yevroga baholanmoqda. U joriy mavsum “Ufa” safida 10 ta o‘yinda maydonga tushdi. Uning boshqirdistonliklar bilan amaldagi shartnomasi 2024 yilga qadar imzolangan.