Shovot tumanlararo iqtisodiy sudining 2019 yil 29 noyabrdagi ijro varaqasiga asosan, qarzdor “Gurlan meva” MCHJ shaklidagi agrofirmasi hisobidan TIF “Milliy bank” Gurlan filiali foydasiga 514.646.732 so‘m qarzdorlik undirish belgilangan. Mazkur qarzdorlikni undirish to‘g‘risidagi ijro hujjati Majburiy ijro byurosi Gurlan tuman bo‘limi ish yurituviga 2019 yil 21 dekabrda kelib tushgan va shu kunning o‘zida ijro ishini qo‘zg‘atish to‘g‘risida qaror qabul qilinib, taraflarga ma’lumot uchun yuborilgan.
Qarzdor “Gurlan meva” MCHJ shaklidagi agrofirma undiruvni imzolangan ipoteka shartnomasiga asosan yerdan foydalanish huquqi bilan garovga qo‘yilgan “O‘ktam Madina” fermer xo‘jaligiga tegishli bo‘lgan Gurlan tumani, “Do‘simbiy” MFY hududida joylashgan “Chorvachilik fermaxona” binosi xatlanib, “E-IJRO AUKSION” savdo maydonchasiga sotuga chiqarilgan.
O‘tkazilgan onlayn elektron savdo natijasida ushbu savdo majmuasi sotilgan va sotuvdan tushgan pul mablag‘i hisobidan undirilishi lozim bo‘lgan qarzdorlik to‘liq undirilib, TIF “Milliy bank” Gurlan filiali hisob raqamiga o‘tkazib berilib, ijro hujjati tamomlangan.