Bandlik va mehnat munosabatlari vazirligi xabar berishicha “Oxiana work xususiy bandlik agentligi”, “Taraqqiyot milliy markazi xususiy bandlik agentligi”, “World work xususiy bandlik agentligi” va “Work in World xususiy bandlik agentligi” MCHJlarga O‘zbekistondan tashqarida ish izlayotgan shaxslarni ishga joylashtirish faoliyati bilan shug‘ullanish uchun berilgan litsenziyaning amal qilishi to‘xtatilgan.Bandlik va mehnat munosabatlari vazirligi huzuridagi Tashqi mehnat migratsiyasi agentligiga ushbu agentliklar faoliyati ustidan shikoyat arizalari kelib tushgan. Mazkur agentliklar fuqarolarni Germaniya, Chexiya, Litva davlatlariga ishga joylash uchun va’da bergan, biroq shartnoma shartlarini bajarmagan. Shuning uchun ularning litsenziyasi bekor qilingani aytilmoqda.