Superliganing 3-turidan o‘rin olgan "Mash’al" - "Qizilqum" (1:1) uchrashuvidan keyin mehmonlar katta murabbiyi Akmal Xoliqov matbuot anjumanida ishtirok etdi."Dastlabki ikki turda o‘z maydonimizda ikki marta mag‘lub bo‘lgandik. Uchinchi mag‘lubiyatni muxlislarimiz kechirishmasdi. O‘yin og‘ir bo‘lishini bilardik.
"Mash’al" ham o‘tgan turda mag‘lub bo‘lgandi, shu bois o‘z uyida borini berib o‘ynadi. Jangovor o‘yin bo‘ldi deb o‘ylayman. Uzoqdan kelib bizni qo‘llab turgan muxlislarga rahmat aytaman.
Bugungi o‘yinga rejamiz himoyaviy qarshi hujumda o‘ynash edi. Besh kun davomida shu ustida ishladik. Tanlagan taktikamiz ish berdi. G‘alabaga teng durangga erishdik. Gol urgandan keyin yigitlar bo‘shashib qolishdi va tezda gol o‘tkazib yubordik.
Bugungi o‘yinga kim tayyorladi? Bosh murabbiyning sog‘ligida muammo bor. Shifokorlar unga zaxirada o‘tirishga ruxsat berishmadi. Shu bois jamoani bugungi bahsga murabbiylar shtabi tayyorladi", - deydi Akmal Xoliqov.