O‘zbekistonlik MMA jangchisi Mahmud Murodov (24-6, 15 KO) o‘zining UFC’dagi uchinchi jangini 18 aprel kuni o‘tkazadi. Bu haqida sportchining o‘zi ma’lum qildi.
Foto: Instagram «Assalomu alaykum. Men keyingi jang bo‘yicha shartnomaga imzo chekdim. Navbatdagi jang AQSHning Nyu-York shahrida (Bruklin borosida) bo‘lib o‘tadi. Jang sanasi esa 18 aprel (Toshkent vaqti bilan 19 aprel). Bizni qo‘llab-quvvatlab turgan barchaga rahmat. Birgalikda tarix yozamiz», — deydi Mahmud Murodov.
Ma’lumot uchun, 18 aprel kuni UFC 249 musobaqasi bo‘lib o‘tadi. Kechaning asosiy jangi esa Habib Nurmagomedov hamda Toni Fergyuson o‘rtasida kechadi. Murodov esa kecha anderkardida jang qiladi.