Surxondaryo viloyati bojxona boshqarmasining “Sariosiyo” chegara bojxona postiga kirib kelgan fuqaro M.S. boshqaruvidagi “VOLVO FH 42” avtotransporti belgilangan tartibda bojxona ko‘rigidan o‘tkazildi. Bu haqda Davlat bojxona qo‘mitasi axborot xizmati xabar bermoqda.
Tekshiruv natijasida, avtomashinada yuklangan dori vositalaridan tashqari, hujjatlarda ko‘rsatilmagan 5000 dona Tramadol dori vositalari yashirincha olib o‘tilayotganligi aniqlandi. Hozirda ushbu holat yuzasidan bojxona organlari tomonidan surishtiruv harakatlari davom ettirilmoqda.