Ijtimoiy tarmoqlarda fuqaro va shifokor ishtirokida yuz bergan navbatdagi noxush video tarqaldi.Maʼlumotlarga koʻra, voqea Navoiy viloyatining Navbahor tumanida yuz bergan. Tasvirlarda fuqaroning shifokor kiyimidagi shaxsga tahdid qilayotganini koʻrish mumkin.
Videodan tushunish mumkinki, erkak kichik yoshdagi farzandini shifoxonaga olib kelgan. Ammo shifokor bolalar vrachi emasligi, erkak talab qilayotgan pediatr boshqa bemorni koʻrayotgani, unga qoʻngʻiroq qilib chaqirtirilganini aytgan. Biroq, erkak shunda ham soʻkinib, shifokorga tahdid qilishda davom etadi.
“Bu yer senga tibbiyot instituti emas. Javobgarlikni his qilasanmi?! Bor, topib kel. Operatsiya deysan, tekshiryapti deysan. Sen hali oʻynashyapsanmi, mol doʻxtiri”, - deydi erkak videoda.