Mart oyida Ektor Kuper ishtirokidagi matbuot anjumani boʻlib oʻtadi, bu haqda OʻFA matbuot xizmati xabar berdi.
“China Cup-2019” musobaqasi oldidan Toshkentda Oʻzbekiston milliy terma jamoasi bosh murabbiyi Ektor Kuper bilan matbuot anjumani tashkil qilinadi. Mazkur matbuot anjumani davomida bosh murabbiy musobaqaga jalb qilingan futbolchilar roʻyxatini eʼlon qilishi rejalashtirilgan, - deb yozadi OʻFA rasmiy sayti.
Eslatib oʻtamiz, yanvar oyida BAAda oʻtgan Osiyo Kubogidan soʻng Ektor Kuper hozirgacha matbuot anjumanida ishtirok etmagan edi.