29 noyabr kuni O‘zbekiston ayollar terma jamoasi Toshkentda o‘tkazilayotgan ayollar o‘rtasidagi Markaziy Osiyo kubogida qirg‘izistonlik raqiblarini 10-0 hisobda mag‘lub etdi va musobaqa g‘olibi bo‘ldi. Bu haqda O‘zbekiston futbol assotsiatsiyasi xabar berdi.Bahrom Norsafarov boshchiligidagi jamoa musobaqaning 4-turi doirasida o‘tkazilgan bahsning birinchi bo‘limida raqib darvozasiga 4 ta gol urgan bo‘lsa, ikkinchi taymda 6 ta gol urishga muvaffaq bo‘ldi.
Ushbu o‘yindagi g‘alaba o‘zbekistonlik futbolchilarning turnirda g‘alaba qozonishlari uchun yetarli bo‘ldi. Bungacha O‘zbekiston vakillari Afg‘oniston, Tojikiston va Eron terma jamoalarini ham yirik hisobda mag‘lub etgandi.
“CAFA Women’s Championship 2018”
Qirg‘iziston - O‘zbekiston 0-10
Gollar: Feruza Turdiboyeva 3, Maftuna Shoyimova 6, Lyudmila Karachik 12,20, Nilufar Qudratova 49, Shahnoza Qurbonova 42,64, Gulzoda Amirova 52, Diyora Erkinova 76, Dildora Nozimova 87.
Qirg‘iziston: 16. Dilnura Abibulla Qizi (s), 2. Anna Zarodina, 4. Irina Dorofeyeva, 10. Baxtigul Toktobolotova, 11. Ayjan Boronbekova, 12. Kenjebubu Irisbek Qizi, 13. Bayanya Kelisheva, 14. Adinay Duidxobayeva, 15. Zarina Axmatqulova, 17. Viktoriya Dalinger, 19.Oltinoy Kanatbek Qizi
O‘zbekiston: 1. Laylo Tilalova, 2. Feruza Boboxo‘jayeva, 3. Laylo Shodiyeva, 7. Feruza Turdiboyeva, 8. Malika Burhonova, 9. Maftuna Shoyimova, 10. Nilufar Qudratova, 15. Umida Zoirova, 16. Dildora Nozimova, 17. Lyudmila Karachik, 22. Soliha Husniddinova.