Asosiy dori vositalarining ro‘yxati Adliya vazirligida davlat ro‘yxatidan o‘tkazildi. Bu haqida vazirlikning “Huquqiy axborot” kanali xabar bermoqda.Mazkur ro‘yxatga jami 820 ta dori vositasi kiritilgan.
Eslatib o‘tamiz, “Dori vositalari va farmatsevtika faoliyati to‘g‘risida”gi Qonunga muvofiq asosiy dori vositalari ro‘yxati ikki yilda kamida bir marta ishlab chiqilib tasdiqlanadi.
Sog‘liqni saqlash vazirligi mazkur ro‘yxatga kiritilgan dori vositalarini davlat tibbiyot muassasalarida mavjud bo‘lishini nazorat qilib boradi.