“Zamin”ni Telegramʻda oʻqing! Join!
Zamin.uz
, 09 2021, 03:37
ЎЗO‘Z

Maktab bitiruvchilariga oltin va kumush medallar berish tiklanadi

16 iyun, 14:57 10 416 Jamiyat
“Zamin”ni Telegramʻda oʻqing!
Maktab bitiruvchilariga oltin va kumush medallar berish tiklanadi Normativ-huquqiy hujjatlar muhokamasi portalida “Umumiy o‘rta ta’lim muassasalari bitiruvchilarini rag‘batlantirishni yanada takomillashtirish chora-tadbirlari to‘g‘risida”gi Vazirlar Mahkamasi qarori loyihasi e’lon qilindi.

Qaror loyihasida aytilishicha, Xalq ta’limi vazirligi, Oliy va o‘rta maxsus ta’lim vazirligining umumiy o‘rta ta’lim muassasalari bitiruvchilariga a’lo bilimi, namunali xulqi va faol jamoatchiligi uchun beriladigan oltin va kumush medallarni ta’sis etish to‘g‘risidagi taklifi ma’qullangan.

Loyihaga ko‘ra, oltin medal umumiy o‘rta ta’lim muassasalarining 9-sinfini bitirganlik to‘g‘risidagi a’lo darajali shahodatnomasi mavjud bo‘lgan, 10-11-sinflardagi barcha fanlar bo‘yicha oraliq, yakuniy nazoratlari hamda choraklik va yillik baholari a’lo, namunali xulqqa ega bo‘lgan va jamoat ishlarida faollik ko‘rsatgan 11-sinf bitiruvchilariga beriladi.

Kumush medal umumiy o‘rta ta’lim muassasalarining 9-sinfini bitirganlik to‘g‘risidagi a’lo darajali shahodatnomasi mavjud bo‘lgan, 10-11-sinflardagi barcha fanlar bo‘yicha yillik baholari a’lo, namunali xulqqa ega bo‘lgan va jamoat ishlarida faollik ko‘rsatgan 11-sinf bitiruvchilariga beriladi.

Bitiruvchilarni oltin va kumush medallar bilan mukofotlashga tavsiya etish bitiruvchilarni oltin va kumush medal bilan taqdirlashga tavsiya etish bo‘yicha Jamoatchilik kengashi tomonidan amalga oshiriladi.

Bitiruvchilarga oltin va kumush medallar ta’lim muassasasida har yili 10 iyunga qadar tantanali ravishda topshiriladi.

Oltin medalga ega bo‘lgan o‘quvchiga respublikadagi davlat oliy ta’lim muassasalarining bakalavr bosqichiga kirish sinovlarida to‘plagan umumiy balliga 50 foiz, kumush medalga ega bo‘lgan o‘quvchiga to‘plagan umumiy ballining 30 foizi miqdorida ball qo‘shib beriladi.

Oltin va kumush medallarga ega bo‘lgan o‘quvchilarga beriladigan imtiyoz bir yilgacha amal qiladi.

Umumiy o‘rta ta’lim muassasalari bitiruvchilariga beriladigan oltin va kumush medallar “Davlat belgisi” davlat ishlab chiqarish birlashmasi tomonidan Xalq ta’limi vazirligining buyurtmasiga asosan tayyorlanadi.

Mazkur qaror O‘zbekiston Respublikasida majburiy 11 yillik umumiy o‘rta ta’limga o‘tilishi munosabati bilan o‘quvchilarning ta’lim va tarbiyaga bo‘lgan ishtiyoqini oshirish va ular orasida sog‘lom raqobat muhitini rivojlantirish, iqtidorli o‘quvchilarni qo‘llab-quvvatlash va rag‘batlantirish, ularning sifatli ta’lim olishga bo‘lgan qiziqishlarini yanada oshirish maqsadida qabul qilinayotganligi bildirilgan.

Qaror loyihasi muhokamasi 28 iyunga qadar davom etadi.



Mavzuga oid yangiliklar
  • 2020 yilda 130 mingdan ortiq talabani davlat buyurtmasi asosida o‘qishga qabul qilish rejalashtirilmoqda 18 mar, 11:30
  • Talabalarga o‘qish uchun to‘lovni yiliga to‘rt marotaba amalga oshirish imkoni taqdim etildi 03 mar, 09:20
  • OTMlarda ikkinchi darajali fanlar soni ikki baravarga qisqartiriladi 02 mar, 22:30
  • Pedagogik ta’limning 6ta yo‘nalishi bo‘yicha o‘qish muddati 3 yil bo‘ladi 17 fev, 10:38
  • Oliy ta’limda mutaxassislikka aloqasi bo‘lmagan fanlar soni 2 barobar qisqartiriladi 15 fev, 13:46
  • Maktab bitiruvchilariga haydovchilik guvohnomasi berilishi mumkin 11 fev, 19:37
  • So'nggi yangiliklar
  • YECHL. Dramatik kechgan bahsda "Zenit" "Chelsi" bilan durang o‘ynadi 09 dek, 01:01 272
  • Said Muxtorov Kamila Gimandinovani zo‘rlashga uringani haqidagi aktrisaning iddaosiga munosabat bildirdi 09 dek, 00:40 349
  • Ravshan Ermatov O‘zbekiston U-18 va olimpiya terma jamoalarining keyingi yil rejalari bilan tanishdi 09 dek, 00:00 352
  • Хonanda Muhammadkarim Soipov 58 yoshida vafot etdi 08 dek, 23:40 366
  • Qudratillo Abduqahhorov: "Amerikada kattaroq nomlar bilan jang qilishni hohlayman" 08 dek, 23:00 424
  • Mourino Shomurodovning raqobatchisini tanladi! 08 dek, 22:30 569
  • O‘zbekiston ayollar terma jamoasiga yaponiyalik murabbiy ustozlik qiladi 08 dek, 22:00 468
  • Denovdagi portlashdan zarar ko‘rgan ob’ektlar soni oshkor qilindi 08 dek, 21:30 496
  • O‘zbekiston elektr energiyasi eng arzon 10 ta davlat qatoriga kirdi 08 dek, 21:05 404
  • Napoleonning to‘pponchalari va qilichi 2,9 million dollarga sotildi 08 dek, 20:35 391
  • Toshkentdagi «Aviasozlar» bozorida iste’molga yaroqsiz go‘sht aniqlandi 08 dek, 20:08 366
  • AQSH butun dunyodagi jurnalistlar himoyasi uchun mablag‘ ajratadi 08 dek, 19:43 288
  • Bo‘limlar