“Zamin”ni Telegramʻda oʻqing! Join!
Zamin.uz
, 09 2021, 02:11
ЎЗO‘Z

Peshonaga qo‘yilgan «2»lar: maktabdagi bir qator mansabdorlar ishdan olindi

16 мая, 00:08 4 759 Jamiyat
“Zamin”ni Telegramʻda oʻqing!
Peshonaga qo‘yilgan «2»lar: maktabdagi bir qator mansabdorlar ishdan olindi So‘nggi kunlarda internet nashrlari va ijtimoiy tarmoqlarda peshonasiga «2» baho qo‘yilgan o‘quvchilar surati tarqalib, ko‘plab muhokamalarga sabab bo‘ldi va hamyurtlarimizning haqli e’tirozini keltirib chiqardi.

Xalq ta’limi vazirligi tomonidan mazkur holat o‘rganib chiqildi. Ma’lum bo‘lishicha, voqea shu yilning may oyi boshida Bekobod shahridagi 5-sonli umumta’lim maktabining 1-«J» sinfida sodir bo‘lgan. Toshkent viloyati xalq ta’limi boshqarmasi tomonidan muassasada xizmat tekshiruvi o‘tkazilib, o‘quvchilarning kamsitilishiga yo‘l qo‘ygani uchun barcha mas’ul xodimlarga tegishlicha chora ko‘rildi. Bu haqda «Xabar.uz» saytiga Xalq ta’limi vazirligi axborot xizmati ma’lum qildi.

Xususan, muassasada o‘quvchilarning huquqlari poymol etilishi, ularning qadr-qimmati kamsitilishiga sharoit yaratib bergani, maktabda nazoratni izdan chiqarib, ta’lim-tarbiya jarayonini qoniqarsiz holatga keltirgani, o‘zining lavozim majburiyatlarini qo‘pol ravishda buzgani uchun maktab direktori D.Babamuratova bilan tuzilgan mehnat shartnomasi bekor qilinib, egallab turgan lavozimidan ozod etildi.

O‘z vazifasiga mas’uliyatsizlik bilan yondashgani, qator xato va kamchiliklarga yo‘l qo‘yganligi uchun maktab direktorining o‘quv ishlari bo‘yicha o‘rinbosarlari H.Razzoqova, G.Baymatova, O.Abdullayeva, ma’naviy-ma’rifiy ishlar bo‘yicha o‘rinbosarlar I.Mo‘minov, M.Ro‘ziyeva hamda pedagogga xos bo‘lmagan xatti-harakatlari, o‘z o‘quvchisining kamsitilishiga yo‘l qo‘ygani uchun boshlang‘ich sinf o‘qituvchilari S.Rahmonova, M.Hamdamova bilan tuzilgan mehnat shartnomalari bekor qilindi.

O‘z xizmat vazifasiga sovuqqonlik bilan qaragani, tasarrufidagi ta’lim muassasalarida o‘quv jarayonlarini nazorat qilmagani uchun Bekobod shahar xalq ta’limi bo‘limi mudiri M.Qo‘zibayevga «Hayfsan» berildi. Bekobod shahar xalq ta’limi bo‘limi ma’naviy-ma’rifiy tarbiya va bolalarning ijtimoiy himoyasi bo‘yicha sho‘’ba mudiri N.Musakova egallab turgan lavozimidan ozod etildi.

Toshkent viloyati xalq ta’limi boshqarmasi boshlig‘i Sh.Burxonov o‘quvchilarning ota-onalari bilan uchrashib, ulardan bo‘lgan voqea uchun uzr so‘radi.

Mazkur holat tizimdagi barcha ta’lim muassasalarida pedagoglar, mahalla faollari va keng jamoatchilik ishtirokida muhokama qilindi. Voqea yuzasidan aniqlangan xato va kamchiliklarga huquqiy baho berish uchun tegishli tartibda huquqni muhofaza qilish organlariga ma’lumot kiritildi.

Xalq ta’limi vazirligi har bir o‘quvchining bepul va sifatli umumiy o‘rta ta’lim olishga bo‘lgan konstitutsiyaviy huquqlari so‘zsiz ta’minlanishiga ko‘maklashadi va o‘quvchi huquqlari buzilishining har qanday ko‘rinishiga nisbatan qat’iy chora ko‘radi. Shu o‘rinda, vazirlik ota-onalar va jamoatchilikdan ta’lim-tarbiya jarayonlarida faol bo‘lishni so‘ragan holda hamkorlikka doim tayyorligini ma’lum qiladi.



Mavzuga oid yangiliklar
  • Andijondagi o‘quvchilarning jarima to‘lashi va ustozining yelkasini uqalashi haqidagi videoga munosabat bildirildi 26 fev, 15:00
  • Xalq ta’limi vazirligi yana yagona maktab formasi bo‘yicha bayonot bilan chiqdi 05 sen, 11:50
  • Xalq ta’limi vazirligi maktab formasi bo‘yicha ota-onalarga murojaatnoma bilan chiqdi 30 avg, 12:37
  • Yangi o‘quv yilidan boshlab poytaxt maktablarida Kundalik tizimi ishga tushiriladi 30 мая, 13:36
  • Konsertga chiptani majburlab sotgan maktab direktori lavozimidan ozod etildi 15 мая, 11:53
  • O‘zbekiston Respublikasi Xalq ta’limi vaziri Ulug‘bek Inoyatov ishdan bo‘shatildi 20 iyun, 23:15
  • So'nggi yangiliklar
  • YECHL. Dramatik kechgan bahsda "Zenit" "Chelsi" bilan durang o‘ynadi 09 dek, 01:01 272
  • Said Muxtorov Kamila Gimandinovani zo‘rlashga uringani haqidagi aktrisaning iddaosiga munosabat bildirdi 09 dek, 00:40 349
  • Ravshan Ermatov O‘zbekiston U-18 va olimpiya terma jamoalarining keyingi yil rejalari bilan tanishdi 09 dek, 00:00 352
  • Хonanda Muhammadkarim Soipov 58 yoshida vafot etdi 08 dek, 23:40 366
  • Qudratillo Abduqahhorov: "Amerikada kattaroq nomlar bilan jang qilishni hohlayman" 08 dek, 23:00 424
  • Mourino Shomurodovning raqobatchisini tanladi! 08 dek, 22:30 569
  • O‘zbekiston ayollar terma jamoasiga yaponiyalik murabbiy ustozlik qiladi 08 dek, 22:00 468
  • Denovdagi portlashdan zarar ko‘rgan ob’ektlar soni oshkor qilindi 08 dek, 21:30 496
  • O‘zbekiston elektr energiyasi eng arzon 10 ta davlat qatoriga kirdi 08 dek, 21:05 404
  • Napoleonning to‘pponchalari va qilichi 2,9 million dollarga sotildi 08 dek, 20:35 391
  • Toshkentdagi «Aviasozlar» bozorida iste’molga yaroqsiz go‘sht aniqlandi 08 dek, 20:08 366
  • AQSH butun dunyodagi jurnalistlar himoyasi uchun mablag‘ ajratadi 08 dek, 19:43 288
  • Bo‘limlar