Qarshining «Nasaf» klubi bugun — 20 fevral sanasida Amirliklarning «Al-Vasl» klubini qabul qiladi. Bellashuv 18:00 da start oladi.«Nasaf» Chempionlar Ligasining ilk turini fors chempionatida yetakchi bo‘lib turgan «Persipolis»ga qarshi o‘tkazib, 0:3 hisobida imkoniyatni boy bergandi. O‘z navbatida «Al-Vasl» ham xalqaro maydondagi ishtirokini mag‘lubiyat bilan boshlab, uy uchrashuvida Qatarning «As-Sadd» klubiga imkoniyatni boy bergan.
Bellashuvni Avstraliyadan kelgan hakam Jillet Jared boshqarib boradi. Guruhdagi ikkinchi o‘yin esa Dohada kechib, 1-tur qahramonlari o‘zaro to‘qnash keladi. Sport-TV «Nasaf» ishtirokidagi bellashuvni jonli ko‘rsatishni rejalashtirgan.
Chempionlar Ligasi
«C» guruhi. 2-tur
20 fevral, seshanba
«Nasaf» — «Al-Vasl» (BAA)
«As-Sadd» (Qatar) — «Persipolis» (Eron)