Rossiya hukumati 2016 yil 1 yanvardan Ukrainaga qarshi oziq-ovqat embargosini joriy etish haqida qaror qabul qildi, deya xabar bermoqda «Gazeta.ru» Rossiya iqtisodiy taraqqiyot vaziri Aleksey Ulyukaevga tayanib.
«Ukraina Rossiyaga qarshi iqtisodiy, moliyaviy sanksiyalarga qo‘shilgani tufayli, biz oziq-ovqat embargosi ko‘rinishidagi himoya choralarini kiritishga qaror qildik», — dedi u.
Ulyukaev avvalroq Rossiya, Ukraina va Evroittifoq vakillari Ukraina va Evroittifoq o‘rtasidagi erkin savdo hududi to‘g‘risidagi kelishuv bo‘yicha bir qarorga kela olmasa, Rossiya Ukrainaga nisbatan oziq-ovqat embargosi joriy etishga tayyorligini ma’lum qilgandi.