Odatda bu patologiya rivojlangan bolalar tug’ruq sanasigacha ham yashay olishmaydi. Chaqaloqning onasi Naomi Findli qizaloqda “yurak ektopiyasi” borligi va uning yurak mushagi ko’krak qafasidan tashqarida bo’lishi haqida homiladorlik paytidayoq eshitgan. Shifokorlar uning yashab ketishiga umid yo’q ekanligini aytgandilar.
Shifokorlar Naomiga homilani oldirib tashlashni maslahat berishdi. Ammo Naomi qizaloqdan voz kechmadi. “Uni dunyoga keltirganimdan keyin yig’laganida, turmush o’rtog’im bilan o’zim ham unga qo’shilishib yig’ladik. Biz uning yashab ketishiga ishongan edik” deydi Naomi.
Xabarda aytilishicha, chaqaloq dunyoga kelgach, uni infeksiyalardan himoyalash uchun darhol plastik paketga o’rab qo’yishgan va lesterlik shifokorlar tomonidan qattiq nazorat qilib turilgan. Qizaloq 3 haftalik bo’lgach, 3 ta operatsiyani boshdan o’tkazdi.
Natijada esa yurak o’z o’rniga qaytarildi va chaqaloq hayoti saqlab qolindi.
Bu haqida shifokor Frensis Bulok shunday deydi:
“Yuragi tashqariga chiqib tug’iladigan chaqaloqlar milliondan bittaga to’g’ri keladi. Odatda bunday bolalar ona qornidaligidayoq vafot etishadi va bu mening tajribamdagi birinchi yashab ketish holati!”