Beeline mobil ilovalar halqaro tanlovining ko‘rsatmali tadbirini muvaffaqiyatli o‘tkazdi. 23 oktyabr juma kuni Wyndham mehmonxonasining Silk Road zalida Eurasia Mobile Challenge 2015 loyihasining mashq kuni – Acceleration Day bo‘lib o‘tdi, u erda respublikaning turli hududlaridan o‘nlab ishtirokchi guruhlarning yuzdan ziyod vakillari qatnashdilar.Unitel‘ning jamoatchilik bilan aloqalar xizmati rahbari Oraz Abdurazakov: “Dekabr oyida biz uch eng yaxshi guruhni tanlaymiz, ular 2016 yilning boshida Moskvada bo‘lib o‘tadigan hududiy finalda O‘zbekistonni namoyon etadilar. Keyin esa uch hududiy finalist boshqa hududiy komandalar bilan bellashish uchun 2016 yilning 22-26 fevral kunlari Barselona shahrida Halqaro mobil aloqa kongresi doirasida bo‘lib o‘tadigan Global Mobile Challenge tanloviga yo‘l oladilar”.
Trening chog‘ida ishtirokchilarga taqdim etilgan ma’lumot, vatanimizdagi mobil ilovalarni kashf etuvchilarning g‘oyalarini muvaffaqiyatli amalga oshirishlariga ko‘mak beradi. Bu maqsadda Toshkentga lektor sifatida chet ellik venchur investori Maks Gurvis - CCC Startups fondi va Startup AddVenture loyihasining asoschisi taklif etildi. Voqeani sharhlar ekan, u quyidagilarni qayd etdi: “Faoliyatlarini endi boshlagan startaplar ko‘p hollarda bozor uchun qiziq bo‘lmagan g‘oyalarni qurib, u kim uchun kerakli ekanligi, uni qanday qilib ommabop qilishni yaxshi tushunmaydilar. Aqlli va iqtidorli yoshlar har bir erda bor, o‘ylaymanki Eurasia Mobile Challenge kabi tadbirlarning maqsadi – bu har bir mamlakatdagi eng yaxshi g‘oyalarga jahon maydonida halqaro e’tirofga ega bo‘lib keyingi bosqichga chiqish uchun imkon berish”.
Har bir ishtirokchining asosiy vazifasi – o‘z mamlakati uchun mobil echimni taqdim etish, keyin esa ushbu mohiyatni hay’atlarga taqdim etishdir. Ishtirokchilarni ro‘yhatdan o‘tkazish 30 oktyabr kuniga qadar www.eurasiamobilechallenge.com sayti orqali davom etadi.