Beeline smartfonlar uchun yangi mobil ilovasi – Beeline Start ishga tushirilgani haqida xabar beradi. Beeline Start bilan eng ommabop dasturlarni topish, foydali ma’lumotlarga ega bo‘lish va Beeline‘ning yangi mahsulotlaridan boxabar bo‘lish mumkin. Ilova tanlanganda uni Google Play orqali yuklab olish uchun havola beriladi.“Beeline Start ilovasi keng ommaga ICTWeek 2015 haftasi doirasida taqdim etilgan edi, – deydi Unitel‘ning jamoatchilik bilan aloqalar xizmati rahbari Oraz Abdurazakov. – Ko‘p abonentlar noyob interfeys va qulay novigasiyaning imtiyozlarini baholay oldilar, va Beeline Start smartfon egalari orasida tez ommabop bo‘lishiga ishonchimiz komil”.
Beeline Start ilovasi quyidagi bo‘limlarga ega:
1. “Muloqot” – bu bo‘limda abonent muloqot uchun eng ommabop ilovalar va ijtimoiy tarmoqlar ro‘yhati bilan tanishib chiqishi mumkin (Telegram, WhatsApp, Viber, Facebook, Odnoklassniki, Instagram, Twitter va hokazo) va ularni o‘z smartfoniga yuklab olishi mumkin.
2. “Yangiliklar” – eng ommabop yangilik ilovalari ro‘yhati.
3. “O‘yinlar” – eng ommabop o‘yinlar ro‘yhati: Subway Surfers, Zuma va hokazo.
4. “Video” - eng ommabop video-portal ilovalarining ro‘yhati: O‘zbek Kino, O‘zbek Media, KinoPoisk, YouTube va hokazo. Shuningdek, tavsiya etiladigan ilovalar bir necha paketlarga bo‘lingan (Sayohat, Musiqa, Moliya).
Mazkur ilovani yuklab olish uchun Google Play‘ga kirib qidiruv chizig‘ida Beeline Start deb yozish lozim. Ilovani yuklab olish chog‘ida mavjud tarif rejasiga mos ravishda mablag‘ echilib olinadi. Ilova muvaffaqiyatli yuklab olinganidan so‘ng telefon menyusida ilova belgisi paydo bo‘ladi.
Ilovani yangilashning xojati yo‘q. Bo‘limlardagi ilovalar ro‘yhati yangilanib, ilovadagi ma’lumot avtomatik tarzda yangilanadi.