Aslida bu robotchalar, olimlar tili bilan aytganda, nanobotlar o‘tgan yili yaratilib, ixtirochilar Nobel mukofotini ham olib ulgurishgan. Ammo sinovlar endi boshlandi. Nanobotlarning saraton xastaligi to‘qimalarini bir lahzadayoq yo‘q qila olishi baliqlar va mikroorganizmlarda qayta-qayta tekshirib ko‘rildi. Natija yomon bo‘lmadi. Robotchalar avval kerakli oqsilni mo‘ljalga oladi va shundan keyin asosiy nishonni xatoga yo‘l qo‘ymasdan topadi. Organizmga kirib borishda ularga chiroq nurining sira hojati yo‘q. Chiroq nuri ichkariga kirib bo‘lgach, saraton xastaligi to‘qimalari tomon yo‘l olgan mahal kerak bo‘ladi. Nur ko‘magida robotchalar yo‘q qilinishi zarur bo‘lgan saraton to‘qimasini topadi-yu, shu ondayoq o‘ldiradi va keyingi to‘qimaga o‘tadi.
Olimlarning aytishicha, bu nanorobotchalar nafaqat saraton shishlari, to‘qimalarini yo‘q qilish, balki dorini organizmning ko‘zlangan yeriga aniq yetkazib berishda ham juda qo‘l keladi.
Manba: hordiq.uz