«Samsung» kompaniyasi va’da berganidek, yangi «Android Lollipop» versiyasini «Galaxy S5» flagmani uchun taqdim etishni boshladi. «SamMobile» sayti bergan ma’lumotlarga ko‘ra, yangi versiyani birinchilardan bo‘lib polshalik foydalanuvchilar qabul qila boshlashdi, Bu haqida «hitech.vesti.ru»ga asoslanib «kun.uz» xabar bermoqda.«Android»ning 5-versiyasi 3 noyabr kuni taqdim etilgan edi. «Samsung» kompaniyasi bir oy o‘tib uni «Galaxy S5» flagmani uchun taqdim etdi. Koreya kompaniyasi o‘z mahsulotlarini ilk bor bu darajada tezkor yangilashmoqda.
«Galaxy Note 3» hamda «Galaxy Note 4» smartfonining foydalanuvchilari «Lollipop» versiyasini 2015 yilning boshlarida qabul qilishlari mumkin bo‘ladi. Unda yangi dizayn, «Smart Lock», «MirrorLink», «Battery Saver» va shu kabi ko‘plab qo‘shimcha yangiliklar kiritilgan.