8 iyul kuni Tashqi ishlar vaziri Abdulaziz Komilov to‘g‘ridan-to‘g‘ri muloqoti chog‘ida tushgan savollarni echish yo‘llari, jumladan qonunchilik va qonunosti hujjatlariga o‘zgartirishlar kiritish bo‘yicha takliflar batafsil muhokama qilish yuzasidan idoralararo majlis o‘tkazdi.Majlis ishida Prezident Devoni, Bosh prokuratura, Ichki ishlar vazirligi, Bandlik va mehnat munosabatlari vazirligi, Davlat bojxona qo‘mitasi, Bandlik va mehnat munosabatlari vazirligi huzuridagi Tashqi mehnat migrasiyasi masalalari bo‘yicha agentlik va boshqa davlat strukturalari vakillari ishtirok etishdi.
Unda O‘zbekiston fuqarolarining chiqish vizalarini olish bilan bog‘liq ko‘p sonli muammolari (to‘g‘ridan-to‘g‘ri muloqotga murojaat qilganlarning 9,5%) borasida turli variantlar, xatto ularni to‘liq bekor qilinish haqida mulohazalar bildirildi, deb xabar qiladi vazirlik matbuot xizmati.
Xorijdagi mehnat faoliyatini lisenziyalash va undan kelib chiqadigan konsullik xizmatlarini ko‘rsatish bo‘yicha imkoniyatlar borasida joriy amaliyotni soddalashtirish va on-layn ro‘yxatga olish tizimini joriy qilish to‘g‘risida taklif bildirildi.
Manba: uz24.uz