AQSh prezidenti Donald Tramp Amerikaning qator old nashrlarini — ular yolg‘on ma’lumotlar tarqatayotgani sabab — xalq dushmanlari deb atadi, deya xabar qildi sputniknews-uz.com."Soxta xabarlarni tarqatayotgan OAV (The New York Times, NBC, ABC, CBS, CNN), — mening emas, Amerika xalqining dushmani!" — deb yozgan Tramp o‘zining Twitterida.
Donald Tramp bunga qadar ham bir necha marotaba Amerika ommaviy axborot vositalarini uydirma xabarlar tarqatishda ayblagan. Xususan, Mehnat vaziri lavozimiga nomzodni tavsiya qilishga bag‘ishlangan matbuot-anjumanida AQSh prezidenti CNN jurnalistlarini o‘ziga nisbatan "nafrat va noxolis" munosabat uchun qattiq qoralagan edi. Tramp shuningdek, o‘zining Rossiya bilan aloqalari haqidagi xabarlarga "safsata" deya izoh bergan.