«O‘zavtoyo‘l» DAK 1912—14 yillarda Zarafshon daryosi ustiga qurilgan «Choriqulboy» ko‘prigini rekonstruksiya qildi, deya xabar bermoqda UzDaily. Ko‘prik foydalanishga topshirildi.Kompaniya ma’lumotlariga ko‘ra, ko‘prik chexiyalik me’morlar eskizlari bo‘yicha qurilgan, uni barpo etishda germaniyalik va buxorolik quruvchilar qatnashgan.
Ko‘prik uzunligi 100 metr, eni 7,5 metrni tashkil etadi. Uni 4 metr balandlikka ega sakkizta ustun ko‘tarib turadi.
«O‘zavtoyo‘l» DAK ta’kidlashicha, ko‘prik 9 balli zilzilaga berdosh bera oladi.
Manba: www.daryo.uz