Biroz avval, aktrisa va teleboshlovsi Rayhon Ulasenovaning farzand kutayotgani haqida xabar edik. 25 iyun kuni aktrisa uchinchi bor onalik baxtiga musharraf bo‘ldi. Ulasenova qiz farzandni dunyoga keltirdi.Avvalroq, aktrisa Rayhon Ulasenova farzandli bo‘lgach bu haqda birinchilardan bo‘lib bizga xabar berishi haqida aytgan edik. Tahririyatimiz xodimlari aktrisaning farzandli bo‘lganini eshitiboq, unga qo‘ng‘iroq qilib, yana bir bor ona bo‘lgani bilan qutlashdi.
Ma’lumotlarga qaraganda, Ulasenova uchinchi farzandini Respublika ixtisoslashgan akusherlik va ginekologiya ilmiy-amaliy tibbiyot markazi tug‘ruqxonasida dunyoga keltirgan. Aktrisaning aytishicha, qizaloqning vazni 3,594 kg, bo‘yi 50 sm.
“Qizimizga hali ism qo‘yishga ulgurmadik. Nasib etsa, bugun tug‘ilganlik haqidagi guvohnomani olishga boramiz. Chaqaloqqa ism qo‘ygach, albatta, o‘zim xabar beraman”, deydi aktrisa.
Rayhon Ulasenova biz bilan suhbatda “Oydin hayot” tok-shousida ko‘rinmayotgani borasida ko‘plab savollar bo‘layotganini, birozdan so‘ng, yana TVga qaytib, dasturga o‘zi boshlovchilik qilishini aytdi.
Fursatdan foydalanib, tahririyatimiz nomidan Rayhon Ulasenovani yana bir bor ona bo‘lgani munosabati bilan muborakbod etamiz. Chaqaloqqa uzoq umr, sihat-salomatlik tilaymiz.