Rossiya delegasiyasi bilan o‘tkazgan muzokaralarda O‘zbekiston Respublikasi Rossiyaga yiliga 800 ming tonnadan ortiq meva-sabzavot mahsulotlari etkazib berishga tayyor, deb bayonot bergan Respublika tashqi iqtisodiy aloqalar, investisiyalar va savdo vaziri Elyor G‘aniev,
deyiladi "Kun" nashrida.
2016 yil 29-31 may kunlari Rossiya qishloq-xo‘jaligi vazirligi vakillari, rus ishbilarmon doiralari hamrohligida O‘zbekistonga tashrif buyurishdi. Ular O‘zbekistonda etishtirilayotgan qishloq xo‘jaligi mahsulotlarini Rossiya bozoriga etkazib berish hajmini oshirish masalalari bo‘yicha qator muzokaralar olib borishgan.
Xususan, O‘zbekiston tashqi iqtisodiy aloqalar, investisiyalar va savdo vaziri bilan o‘tkazilgan muzokaralarda, G‘aniev o‘zbek tomoni o‘zining meva-sabzavot mahsulotlarini Rossiyaga yanada ko‘proq eksport qilishdan manfaatdor ekanini aytib, 800 ming tonnadan ortiq meva-sabzavot, jumladan, poliz mahsulotlari va uzum etkazib berishga tayyorligini bildirgan.
Tomonlar o‘zaro muloqot chog‘ida, ushbu masala yuzasidan uzoq muddatli hamkorlik qilish imkoniyatlarini ham muhokama etishgan.
Rossiya delegasiyasi, o‘z safari doirasida, shuningdek, O‘zbekiston agrar korxonalari rahbarlari bilan uchrashgan, qishloq xo‘jaligi mahsulotlarini qayta ishlovchi ishlab chiqarish quvvatlarini borib ko‘rgan.
2015 yili O‘zbekistonda 12,59 mln tonna meva-sabzavot etishtirilgan. Shundan, 1,85 mln tonna poliz mahsuloti, 1,55 mln tonna uzum va 2,73 mln tonna mevadir.
Evroosiyo komissiyasi ma’lumotlariga ko‘ra, 2015 yilda O‘zbekiston Rossiyaga 33,4 mln dollarlik meva-sabzavot etkazib bergan.