"Real" bosh murabbiyi Karlo Anchelotti "Milan"da ishlagan yillarini yodga oldi."Mening juda omadim kelgan, chunki "Real" behad kuchli tarkibga ega. Boz ustiga futbolchilar juda mahoratli bo‘lgani ustiga professional ham. Ular mening istalgan qarorimni qabul qiladilar.
O‘z vaqtida "Milan"ni boshqarganda juda qiynalganman. Men uchun Isko, Xames va Kroosdan ko‘ra Pirlo, Rui Koshta, Zeedorf va Rivaldoga ta’sir o‘tkazish qiyinroq edi.
"Real"da men ilk bora o‘z futbol falsafamga o‘zgarish kiritdim. O‘tgan yilgi muvaffaqiyatdan so‘ng bu yil ishlash ancha oson bo‘lmoqda", - deydi Anchelotti.
Manba: www.uff.uz