Фото: Medical XpressИсроилдаги Бен-Гурион университети ходимлари махсус ўргатилган ижтимоий роботлар инсонларни бахтли қилишга қодир эканлигини аниқлади. Бу Япониянинг PARО робот-тюлени устида ўтказилган тадқиқот натижасида маълум бўлди, деб ёзади Medical Xpress.
PARО ташқи кўриниши билан нафақат тюленга ўхшайди, балки унга тегилса ёки мурожаат қилинса, сув жонзотининг ҳаракатларини такрорлай ҳам олади, масалан, панжалари билан қарсак чалиб, овоз чиқаради.
Олимларнинг таъкидлашича, робот-тюлень билан бир соат мулоқот қилган кўнгиллиларнинг кайфияти кўтарилган ва енгил ёки ўртача оғриқлари йўқолган.
Тадқиқот муаллифларининг фикрича, ақлли роботлар билан бундай ўйин-кулги пандемия пайтида — бошқа одамлар билан алоқа кескин чекланган пайтда жуда ёқимли.
Манба: Daryo.uz