Ўзбекистонда 2020 йилда интернет тезлиги 10 баравар оширилиши айтилди

^{Фото: АТК матбуот хизмати}
Ўзбекистонда 2020 йилда интернет тезлиги 10 баробар ошди. Бу ҳақда АКТ вазирининг биринчи ўринбосари Олимжон Умаров 20 февраль, пайшанба куни, Халқаро пресс-клубнинг ижтимоий соҳага бағишланган навбатдаги сессиясида айтиб ўтди.

Бу халқаро пакетли коммутация марказларининг ўтказувчанлигини 2,5 баробарга (1200 дан 3 000 Гбит/с) кенгайтириш ҳисобига амалга оширилади.
Шунингдек, унинг айтишича, вазирлик ўз олдига аниқ мақсад қўйиб, фан, таълим ва рақамли иқтисодиётни ривожлантириш йилида ўзи учун тўртта асосий йўналишларни белгилади.

Бундан ташқари, Олий таълим вазирлиги ва Халқ таълим вазирлиги билан ҳамкорликда «Бир миллион дастурчилар» лойиҳаси амалга оширилиши, IT-паркларни ривожлаништириш давом эттирилишини маълум қилди.
Унинг айтишича, яқин вақт ичида IT-парклар филиаллари Гулистон, Наманган ва Урганч шаҳарларида барпо этилади.