WhatsApp мессенжерининг Chrome браузерлари ҳамда Android, Windows, Blackberry смартфонлари учун мўлжалланган веб-версияси ишга туширилди, дея хабар бермоқда «Siliconrus.com».
WhatsApp веб-клиентидан фойдаланиш учун Android, Windows ёки Blackberry’даги мессенжернинг сўнгги версияси ёрдамида web.whatsapp.com саҳифасига қўйилган QR-кодни сканерлаб олиш зарур. Шу билан бирга, сервис ишлаши учун телефон доимий равишда тармоққа уланган бўлиши керак.
Apple платформаси чеклангани туфайли, веб-клиентни iOS фойдаланувчилари ишлата олмайди.
Telegram асосчиси Павел Дуров WhatsApp’даги янгиланишни ўз Twitter’ида шарҳлар экан, сервис ҳали-ҳамон 2012 йилда юрганини таъкидлади.
Манба: www.Daryo.uz