Фото: «RV.ru»Samsung корпорацияси квадрат шаклида йиғилувчи эгилувчан экранга эга янги телефонни яратиш устида иш бошади, деб хабар беради Daryo.
Bloomberg нашрининг ёзишича, телефон экранининг диагонали 6,7 дюймни ташкил этади. Янги қурилма иккита асосий ва битта фронтал камерага эга бўлиб, улар худди Samsung Galaxy Note 10’ники каби экраннинг юқори қисмида жойлашади.
Ишлаб чиқарувчи янги қурилмани ўзининг биринчи йиғма телефони Galaxy Fold’дан кўра ингичкароқ ва арзонроқ қилиб яратишни режалаштирмоқда.
Маълумотларга кўра, янги телефон 2020 йилнинг бошида тақдим этилиши мумкин. Шу билан бирга унинг бозорга чиқиши Galaxy Fold’нинг тижорий муваффақиятига боғлиқ бўлади.