Тақдимотга тайёрланаётган Samsung Galaxy Note 10 смартфони компания тарихидаги энг катта фаблет бўлади. Бу ҳақда Жанубий Кореядаги манбаларга асосланиб, iGeekPhone ихтисослашган нашри хабар берди.Дастлабк маълумотларга кўра, шартли номи DaVinci бўлган Samsung Galaxy Note 10 смартфони ўзидан аввалги қурилмаларга нисбатан сезиларли каттароқ дисплейга эга бўлади. Экран ўлчами iPhone XS Max’никидан ошиб кетиб, диагоналига 6,66 дюймга етиши мумкин.
Шунингдек, смартфонга Snapdragon 8150 топ-процессори ўрнатилиши ҳам айтилмоқда. Qualcomm компанияси ушбу 7 нанометрли янги чипни расман намойиш этганича йўқ. Шунда Samsung Galaxy Note 10 смартфонининг энг арзон версияси 1077 доллар атрофида сотувга чиқарилиши мумкин.
Samsung Galaxy Note 10 смартфонининг расмий дебюти 2019 йил кузида бўлиб ўтиши кутилмоқда.