Япониянинг Nissan Motor автомобилсозлик компанияси ижрочи директори Карлос Гон ўз лавозиини тарк этмоқда. Унинг ўрнини компания топ-менежери Хирото Саикава эгаллайди, деб маълум қилди Кун.уз сайти."Яқинда Mitsubishi Motors’да ўз зиммамга янги мажбуриятларни олиб ва Nissan акциядорларининг бўлғуси умумий йиғилишини эътиборга олиб, Хирото Саикава мени Nissan ижрочи директори лавозимида алмаштириши вақти келди деб қарор қилдим", деб айтди Гон.
Саикава янги лавозимини 1 апрелдан бажаришга киришади.
Nissan Motor Япониянинг энг йирик автомобилсозлик компанияларидан ҳисобланиб, унинг таркибига Renault-Nissan альянси киради. Компаниянинг ходимлари сони 247,5 мингга яқин кишини ташкил қилади.