Gigabyte компанияси Aero 14 ноутбукининг янгиланган версиясини тақдим этди. Модель ўйинлар ва профессионал фойдаланишга мўлжалланган.Terabayt.uz нашрининг маълум қилишича, ноутбук 14 дюймли IPS дисплей билан жиҳозланган, экран Quad HD аниқлигида (2560 × 1440 пиксель). Стационар ишлаш вақтида ноутбукда тасвир HDMI 2.0 ва Mini DisplayPort портлари орқали 4К форматли мониторларга чиқарилиши мумкин.
Гаджет Intel Skylake аппарат платформасида яратилган, тўрт ядроли Core i7-6700HQ процессорида ишлайди. Унга 32 ГБгача бўлган DDR4-2400 оператив хотира ўрнатиш мумкин. Модель NVIDIA GeForce 1060 асосидаги график тизим билан таъминланган бўлиб, мазкур тизим VR Ready тоифасига киради ва виртуал реаллик фукнциясини қўллаб-қувватлайди.
Gigabyte Aero 14 1 терабайтли M.2 PCIe SSD тўплагичга эга, Wi-Fi 802.11ac ва Bluetooth 4.1+ LE модуллари, SD-карт ридер ва стереодинамиклар билан қувватланган. Windows 10 операцион дастурида ишлайди.
Гаджет шу ой давомида сотувга чиқарилади. Нархига ҳозирча аниқлик киритилмаган.