Хитойнинг Zeaplus компанияси Apple Watch’нинг клонини тақдим этди. Янги гаджет Zeaplus Watch деб номланади.У алюмин корпус ва сунъий тери билан жиҳозланган бўлиб, iOS ҳамда Android смартфонлари билан Bluetooth модули орқали уланади. Бундан ташқари “ақлли” соатларни смартфонсиз ҳам ишлатиш мумкин – уларга SIM-карта қўйиб, қўнғироқ амалга ошириш, хабар ёзиш ва интернетдан фойдаланиш мумкин.
Гаджетнинг камера модули корпуснинг пастки қисмида жойлашгани сабабли Zeaplus Watch ёрдамида суратга олиш учун уни қўлдан ечишга тўғри келади.
Манба: www.kun.uz