“Барселона” раҳбарияти “Манчестер Юнайтед” билан шартномаси якунланаётган Поль Погбага харидор бўлаётган эди. Каталонияликлар франциялик юлдуз жамоани сезиларли даражада кучайтиришига ишонмоқда.Қолаверса, ёзда Погбани эркин агент сифатида текинга олиш имкони бор. Погбанинг агенти Мино Райола мижозининг хизматлари бир қатор гранд клубларга, хусусан, “Барселона”га ҳам тавсия қилди. Бу таклиф каталонияликларга маъқул келди.
Бироқ, Райола бу трансферни амалга ошириш учун жуда катта миқдорда хизмат ҳаққи талаб қилгани “Барселона”нинг шаштини пасайтириб юборди. Бундан ташқари, каталонияликлар Райола Погба учун талаб қилаётган маош миқдорини ҳам кўтара олмайди.