Бельгия терма жамоаси бош мураббийи Роберто Мартинес Миллатлар лигаси доирасида Францияга қарши ўйиндан сўнг (2:3) ўз фикрларини билдириб ўтди."Биринчи бўлимни жуда зўр ўтказдик. Биз осон ва ўзимизга ишонган ҳолда ўйнадик. Иккинчи таймда эса балки финал ҳақида кўп ўйлаб юбордик. Францияга ўйинни қайтиб олишига йўл қўйиб бердик. Уларда ҳал қилувчи голни уришга куч етди.
Биринчи таймдаги ажойиб ўйиндан сўнг 90-дақиқада мағлуб бўлиш аянчли.
Италияга қарши ўйинда рухиятни намоён этишимиз керак. 13 ойдан кейин жаҳон чемпионати бўлади. Ўз имкониятимизни кўрсатиб берадиган ҳар қандай вазиятдан фойдаланишимиз керак", - деди Мартинес.