БАА Чемпионати 19-туридан ўрин олган марказий учрашув ўз ниҳоясига етди. Унда "Ал-Жазира" ва "Шабаб Ал-Аҳли" жамоалари ўзаро кураш олиб борди. Асабий тарзда кечган ўйин 1:1 ҳисобида якунланди.62 дақиқада Карлос Эдуардо томонидан киритилган гол эвазига дубайликлар ҳисобни очди. Орадаги фарқни асосий вақт давомида сақлаб қолишни уддалаган меҳмонлар 90+2 дақиқада ўз дарвозасидан тўп олиб чиқишга мжбур бўлди. Стандарт вазиятдан Милош Косанович дарвозани аниқ нишонга олди.
Шу тариқа, "Шабаб Ал-Аҳли" ҳисобидаги очколари сонини 33 тага етказиб олган ҳолда, онлайн турнир жадвалида 4-ўринга кўтарилиб олди. Сўнгги сонияларда 1 очко масаласини ҳал этган "Ал-Жазира" 41 очко билан 1-ўринни эгаллаб турибди.
Ушрашувда ҳар икки ҳамюртимиз майдонга тушди. Хусусан, Жалолиддин Машарипов тўлиқ ҳаракат қилган бўлса, Одил Ҳамробеков 79-дақиқада захирадан ўйинга қўшилди.