Ўзбекистон чемпиони "Пахтакор" ОЧЛ нимчорак финалида "Истиқлол"ни 2:1 ҳисобида мағлуб этганидан хабарингиз бор.Учрашувдан сўнг жамоанинг айни пайтда карантинда бўлиб турган бош мураббийи Шота Арвеладзе клуб матбуот хизматига қисқа фикрларини билдириб ўтди.
"Бу клубимиз ва ўзбек футболи учун фантастик муваффақият. Чемпионлар Лигасини сафарда ўйнаш ҳеч қачон осон бўлмаган. Барча ходимлар ва футболчиларни табриклайман. Сизлар фахрланишингиз мумкин, йигитлар. Мен клуб ва ишқибозлар учун жуда ҳам хурсандман", - деди Шота.