“Барселона” раҳбарияти Лионель Мессининг клубга қарши бош кўтарганига қарамай, у билан амалдаги шартномани яна 2023 йилнинг ёзигача узайтирмоқчи.Каталония клуби президенти Жозеп Бартомеу Мессининг отаси Хорхе билан бўладиган учрашув чоғида унга Леони шартномани узайтиришга кўндиришни сўрайди.
Икки йилга тузиладиган янги шартнома бўйича Мессининг йиллик маоши ўзгаришсиз қолади ва у солиқларни қўшиб ҳисоблаганда ҳар бир йил учун 100 миллион евродан олади.
Бироқ, Месси бу таклифни қабул қилмаслиги тайин. Чунки у клубдан кетиш қарорида қатъий турибди. Ва бу масалада маош миқдори ҳеч қандай аҳамият касб этмайди.