"Уфа" сафида тўп сураётган ҳамюртимиз Остон Ўрунов мавсумлар оралиғида РПЛ грандлари сафини тўлдириши мумкин.Sport24 нашри хабарига кўра, 19 ёшли ярим ҳимоячи хизматларига "Локомотив" ва "Зенит" клублари қизиқиш билдирмоқда.
Олдинроқ, футбол агенти Александр Маньяков Ўруновга "Спартак"дан қизиқиш борлиги ҳақида айтиб ўтган эди.
Шунингдек, футболчимиз учун "Краснодар" клуби ҳам курашга қўшилиши мумкин.
Таъкидланишича, Ўрунов трансфери бўйича "Спартак"нинг янги бош директори Шамиль Газизовнинг шахсан ўзи шуғулланмоқда.
Манба: Sports.uz