Фото: «Бавария» ФК Футбол бўйича Германия Кубогининг финалидан ўрин олган «Байер» ва «Бавария» жамоалари ўртасидаги учрашув 4 июль, шанба куни бўлиб ўтди.
Биринчи бўлимда мюнхенликлар Давид Алаба ва Серж Гнабрининг голларидан сўнг олдинга ўтиб олди. Иккинчи бўлимда дарвозалар яна тўрт бор ишғол этилди. Роберт Левандовскининг дублига леверкузенликлар Свен Бендер ва Кай Ҳаверцнинг голлари билан жавоб қайтарди.
Шу тариқа «Бавария» ўз тарихида 20 марта ва кетма-кет икки бор Германия Кубогига эга чиқди. Ўз тарихида бир марта (1993 йил) кубокни қўлга киритган «Байер» эса учинчи финални бой берди (2002, 2009, 2020).