«Ювентус» клуби ҳимоячиси Даниэл Ругани коронавирус билан касаллангани хабар қилинган эди. Шундан сўнг клуб футболчини карантинга олиб, даволашни бошлади. Футболчи билан яқин алоқада бўлган клубнинг бошқа аъзолари ҳам алоҳида рўйхатга олинди ва эҳтиёт чораси сифатида барча футболчилар тиббий назоратдан ўтказилди.Аммо ушбу чораларга қарамай «Ювентус»нинг яна бир футболчисида коронавирус аниқланди. Ярим ҳимоячи Блез Матюидининг коронавирусга топширган тести ижобий натижа берди. Шу тариқа туринликлар сафида иккинчи футболчи коронавирусга учради.
Эслатиб ўтамиз, туринликлар ҳужумчиси Криштиану Роналду жамоа машғулотларида қатнашишдан бош тортган. У ўз она шаҳри Мадейрода бўлиб турибди.
Шунингдек Роналду коронавирусга қарши кураш ҳаракатига қўшилган. У Португалиядаги ўз шахсий меҳмонхоналар тармоғини қайта жиҳозлаб, шифохоналарга айлантираётгани ва бепул даволашни йўлга қўяётгани хабар қилинган эди.