Энтони Жошуа: «Тайсон Фьюри хоҳласа, у билан жанг қилишга тайёрман»

^{Фото: BoxingScene}
Профессионал бокснинг оғир вазн тоифасида WBA, WBO, IBF ва IBO камарлари соҳиби Энтони Жошуа WBC камари эгаси Тайсон Фьюри билан жанг қилишга тайёрлигини билдирди.

«Агарда мен Кубрат Пулевни, Тайсон эса яна Уайлдерни мағлуб этадиган бўлса, ўртамиздаги жанг ташкил қилиниши мумкин. Фьюри ушбу жанг бўлишини хоҳласа, албатта, у ташкил этилади. Уни Уайлдер устидан қозонган ғалабаси билан табриклайман. Фикримча, унинг ҳозиргача иккита яхши жанги бўлган: бири Кличкога, бири эса Уайлдерга қарши. Ҳозир эса Тайсон юқори чўққида», — дейди Жошуа.

Маълумот учун, Энтони Жошуа 20 июнь куни Лондонда ўзининг чемпионлик камарларини Кубрат Пулевга қарши жангда ҳимоя қилиши белгиланган.