"Манчестер Юнайтед" собиқ форварди Димитар Бербатов "Ливерпуль" бош мураббийи Юрген Клоппнинг "Атлетико" устози Диего Симеонега қаратилган гапларига изоҳ берди."Симеоне ўзининг усулларига эътибор қаратиши ва Клопп нима деганига парво ҳам қилмаслиги керак. Юрген "Атлетико"нинг ҳимоясини танқид қилиб адашди. Бу Симеоне ўз жамоаси учун танлаган усулдир.
Чоло [Симеонени шундай аташади]га бўлаётган танқидлар тўхтатилиши керак. "Ливерпуль" "Атлетико" қандай ўйнашини билиб ҳам, уларни мағлуб эта олмади.
Бундан ташқари, Симеоненинг услуби жамоага жуда катта ёрдам берди. У "Атлетико"ни икки бор Чемпионлар Лигаси финалига қадар олиб чиқди, Ла Лигадаги "Барселона" ва "Реал" жамоаларининг гегемонлигига барҳам берди. Аслида, Диего "Атлетико"ни ҳақиқий машинага айлантирди, шунинг учун ҳеч ким унинг усулларига содиқ қолгани учун танқид қилмаслиги керак", - дейди Бербатов.
Эслатиб ўтамиз, "Атлетико" ЧЛ 1/8 финал доирасида "Ливерпуль"ни икки ўйин натижасига кўра 4:2 ҳисобида мағлуб этиб, амалдаги чемпионларни мусобақадан чиқариб юборди.