Супелиганинг 2-туридан ўрин олган "Насаф" - "Андижон" (2:1) учрашувидан кейин меҳмонлар бош мураббийи Александр Хомяков ўз фикрларини билдирди."Бутун ўйин давомида фақат ҳимояландик. Тўғри "Насаф"нинг хатосидан кейин гол ура олдик. Аммо умуман олганда режалаштирган ҳеч нима ўхшамади. Ҳа, баъзи вазиятларда тартибли ҳимояландик, баъзида омадимиз келди. Фақат ҳимояда ўйнаб ғалаба қозониш қийин. "Насаф" ҳақли тарзда ғалабага эришди", - дейди Александр Хомяков.
- Жамоага нима етишмади?
- Биз деярли ҳужум қилмадик. Тўп бизда бўлганида ҳужумга ўтишда жуда ҳам секин ўйнадик. Қарши ҳужум ҳақида умуман гапирмаяпман. Режамиз майдон марказида ҳимоявий ўйнаш эди, афсуски "Насаф" бизни тўлиқ ҳимояланишга мажбур қилди ва тўлиқ ўйин давомида ташаббусга эга бўлди.
- Легионерлар ҳақида нима дея оласиз?
- Умуман олганда футболчиларимга у қадар ҳам эътироз йўқ. Ишлашда давом этамиз ва "Навбаҳор"га қарши уйдаги ўйинга тайёргарликни бошлаймиз.