Зинедин Зидан мураббийлик фаолияти абадий эмаслиги ҳақида айтди.“Футбол соҳасида ҳар қандай ишни давом эттиришингизга ҳеч қачон аниқ ишонч йўқ. Клуб мени қўллаб-қувватлаётганини ҳис этмоқдаман, барчамиз битта мақсад йўлида ҳаракат қилмоқдамиз. Ҳаммаси эса натижаларга боғлиқ.
Ҳозирча “Реал” мураббийиман, аммо эртага бари ўзгариб кетиши мумкин. Бироқ, шуни таъкидлашни хоҳлардимки, ҳеч ким мен билан боғланмаган ва доимо мазкур жамоада ишлашдан мамнунман”, дейди Зидан.
Аввалроқ, "Реал" ёзда Зиданни истеъфога чиқариб, унинг ўрнига Почеттинони олиб келмоқчилиги ҳақида хабар тарқалганди.