"Манчестер Сити" бош мураббийи Хосеп Гвардиола келаси мавсумда ҳам жамоадан кетишни хоҳламаслигини маълум қилди."Мен буни кўп бора айтганман, агар клуб мени истеъфога чиқармаса, мен ҳам кетмайман. Ҳа, 100%, бу ерда ишимни давом эттираман.
Албатта бу сўнгги икки ўйинда ғалаба қозонганимиз ва сўнгги бир неча ой ичида яхши ўйнаганимиз учун эмас.
Менга футболчилар билан ишлаш ёқади, лекин ишлар ёмонлашиб, ҳатто ЧЛда ҳам муваффақият қозона олмаган тақдиримизда ҳам кетмайман", - дейди Гвардиола.
Эслатиб ўтамиз, испаниялик мутахассис "Манчестер Сити"ни 2016 йилдан бери бошқариб келади.