Россиянинг “Ростов” клубида тўп сураётган ҳамюртимиз Элдор Шомуродов жорий мавсумдаги қайд этаётган сермаҳсуллиги борасида гапириб ўтди.“Агар атрофингда шундай топ даражадаги футболчилар бўлса, албатта кўп вазиятлар бўлади. Ҳужумчига гол уриш нисбатан осонроқ. Уларнинг ёрдами билан Россия премьер-лигасида 10 та гол уришга муваффақ бўлдим.
Мен Европанинг кучли чемпионатларида ўйнашни орзу қилишим ҳақида аввал ҳам айтганман. Мен шунга ҳаракат қиламан. Кўпчилик мени қишда бошқа жамоага кетишим мумкинлиги ҳақида гапирди. Лекин мен ҳали ҳеч қаерга кетишни хоҳламайман, мен “Ростов”да бахтлиман”, - дейди ҳамюртимиз.
Эслатиб ўтамиз, Шомуродов айни дамда 10 та гол билан РПЛ тўпурарлар пойгасида пешқадамлик қилмоқда.